وهاذي كلمات الاغاني كلهااا

[ سواها قلبي ]

سواها قلبي ياحبيبي وحبك ماطاعني وأنا عن الحب ناهيه
الظاهر إنه مايبي غير قربك عاف الجميع وأول الناس راعيه

[ لاتخاف من الزمان ]
لا تعذر بحتياجك كلنا ناقص حنان ،، كلنا طفل يتنمى اي شخص يحضنه
نبني الدنيا و حنا نوقف بنفس المكان ،، للاسف ينقص و فانا مع مرور الازمنه

[ تبي تتركني ]
تبي تتركني اتركني .. تأكد اني ما حزعل
ولا اسأل وش تفاصيل البعاد و طوله ونوعه
لكن قول انا ماشي .. ترا بعض الوداع اجمل
من هروب الحبيب اللي ترك له ناس موجوعه

[ طلبتك ]
طلبتك لا تحاكيني عن احبابك ولا ذكراك ولا ودي تعلمني عن الماضي ولا ادري
انا ما همني الماضي ولا ايامه قبل ما القاك .. انا عندي بدايتنا بدايه عمرك و عمري


[ شموخ عزي ]
من يقول انك تحب من يقول انك وفيت كل هذا كان لعب ياما اخذت ولا عطيت
كافي ماجاء منك كافي بان لي ماكان خافي كنت اظن الحب وافي واثر حبك خساره

----------------------------------

لا تخاف

لا تخاف من الزمان ..
الزمن ماله أمان ..
خف من اللي كل آمالك في يديه وتامنه ...
لو حبيبك ماوفى لك ..
لو حبيبك فيك خان ..
ايش ترجي من زمانك ؟ .. النتيجه باينه ..

نكتشف مرّ الحقيقه ..
بعد مايفوت الأوان ..
قلت لك لاتندفع له .. قلت: حبي صاينه
وينه اللي صان حبك؟
ماأشوفه اليوم بان ..
قلبك اللي هو قلبك .. لاتحسبك ضامنه

لاتعذّر باحتياجك..
كلنا ناقص حنان ..
كلنا طفل يتمنى أي شخص ٍٍٍِ يحضنه ..
نبني الدنيا وحنّا ..
نوقف بنفس المكان ..
للأسف ينقص وفانا مع مرور الأزمنة

____________________________________

طلبتك

طلبتك لاتحاكيني عن احبابك ولا ذكراك ... ولا ودي تعلمني عن الماضي ولا ادري

انا ما همني الماضي ولا ايامه قبل ما القاك....انا عندي بديتنا بداية عمرك و عمري

اخيراً جيت يا وجهٍ مضى عمري و انا استناك....وجيت بصورة فاقت خيالي وحلمي العذري

حبيبي خلنا نبدا حكايتنا انا وياك....قبل ما الوقت يسرقنا و لحظات الهوى تسري

انا ابغى حبنا راقي يودينا بعيد هناك....لدنيا ما بها فرقا ولا كذبا ولا غدري

اذا على الوصل انا اعاهد وربي ما بيوم اجفاك.... لخجل بالعطى غيري وجازي صبرك وصبري

انا طمعان بوصالك وشاري بدنيتي دنياك....وحكم الحب في يدينك تبيع احساسي او تشري

اذا شاري سنين العمر يا عمري الهوى يفداك....واذا انك بعت لا تنطق ابعرف عندها قدري

____________________________________

تتبي تتركني

تبي تتركني اتركني ..تأكد اني ماحازعل

ولا اسأل وش تفاصيل البعاد وطوله ونوعه

ولكن قول انا ماشي ترى بعض الوداع اجمل

من هروب الحبيب اللي ترك له ناس موجوعه

اذا حبي مايعني لك.. اكيد ان الفراق افضل

واذا عيني بتبكي لك.. اكيد العين مخدوعه

واذا انت اللي بتتركني.. ولااحد ٍ جابرك ترحل

حرام اتظايق وأشقى على اللي رايح بطوعه

انا ماقول لك بانسى.. ولكن مستحيل اسأل

اباحبس اصغر انفاسي لو الهمسات مسموعه

انا باتذكر ايامك ولا انسى حلمي الأول

بتبقى صورتك عندي بوسط الروح مطبوعه

حبيبي لو بترجع لي وتعطيني العذر باقبل

اباغفر للحبيب اللي غياب احبابه يلوعه

ومهما طول غيابك .. بتبقى رحمتي أطول

تأكد في شرع قلبي لك الأقلام مرفوعه

_____________________________________

كلمة شكر

كلمة شكر يا بوي ،، كلمة شكر يا بوي ...
ما توفى الشعور ..
وإحساسي صوبك يا بعدي أكبر كثير ...

مهما شـكرتك لازم أشعر بالقصور ،،
لأن عيني دايم تشوفك كبير ..
مهما شكرتك يبقي فى قولى قصور ،،
لأن عيني دايم تشوفك كبير ..

تتكــحل عيوني ويغمرها السرور ،،
كل ما تشوفك مبتسم قلبي يطير ..
يا نور كل ما شفته زاد بوجهي نور ،،
ما دامك إنت بخير هالدنيـا بخـير ..

يا بوي لو لفيت أنا العالم وادور ،،
بلقاك شي في هالزمن ماله نظير ..
يعني إختصار ألي بقوله من شعور ،،
روحي يا أغلي ناسها تحبك كثير ..

وإن جيت ألف الكون ذا كله وأدور ،،
بلقاك شي في هالزمن ماله نظير ..
يعني إختصار ألي بقوله من شعور ،،
روحي يا أغلي ناسها تحبك كثير ..

كلمة شكر يا بوي ،، كلمة شكر يا بوي ...
ما توفى الشعور ..
وإحساسي صوبك يا بعدي أكبر كثير ...

مشكووووووووووووووووووووره غناااتي



ويسلمو عالابداااع .....




بانتظااار المزيد من روااااائعك ...

العروس اغنيلها وتنقل الاغاني هههههههههههههه

يعطيك العافيه يا ام العيال هههههههههههه

الى الى الامام